CONCILIACIÓN NAS PERSOAS TRABALLADORAS AUTÓNOMAS

Axudas para a conciliación por maternidade ou paternidade da persoa traballadora autónoma

En prazo de inscrición 30/05/2018

Mediante a presente axuda permitirase que a persoa traballadora por conta propia obteña unha compensación durante dezaseis (16) semanas máis para a contratación dunha persoa, para favorecer a conciliación da súa vida persoal e laboral e facilitar a continuidade do seu proxecto empresarial.
Serán subvencionables as contratacións que, cumprindo cos requisitos enumerados no parágrafo anterior, se realicen entre o 1 de novembro de 2017 e o 30 de setembro de 2018.
Poderán ser beneficiarias destas subvencións as persoas traballadoras que estean dadas de alta no réxime especial da Seguridade Social de persoas traballadoras por conta propia ou autónomos que, segundo o anexo I, teñan o seu centro de traballo (ou domicilio social, no caso de carecer deste) na Comunidade Autónoma de Galicia, que gozasen dunha baixa por maternidade ou paternidade e que, no prazo dos quince (15) días seguintes ao da súa finalización, contraten unha persoa traballadora por conta allea.

Tamén serán beneficiarias as sociedades que realicen unha contratación nas mesmas condicións que no parágrafo anterior con respecto aos autónomos societarios.

emprego XUNTA autónomos

CUMPRIMENTO SOCIAL

O cumprimento social: unha vantaxe competitiva para as empresas

En prazo de inscrición 23/03/2018

Data: 10 de abril de 2018
Horario: de 9.45 h a 13.30 h
Lugar: Hotel Oca Puerta del Camino C/ Miguel Ferro Caaveiro, s/nSantiago de Compostela
Teléfono de información: 981 536 434
Correo-e: noroeste@apd.es

Atopámonos nunha contorna no que a globalización e a crecente concienciación dos consumidores levan unha maior responsabilidade por parte das empresas. Comprobar que os produtos se elaboren en condicións seguras de traballo ou que os salarios das persoas involucradas na produción sexan xustos e respecten os dereitos fundamentais cobran cada vez maior importancia para o cliente final. Se non se traballa adecuadamente sobre estes aspectos, ou non é demostrable o seu cumprimento social pode chegar a danar seriamente a reputación dunha compañía, afectar as súas vendas ou rendibilidade, prexudicando a posición competitiva da empresa.

APD

Compartir: