O EMPREGO DO FUTURO

Presentación do programa da Xunta O Emprego do Futuro

En prazo de inscrición 24/09/2018

O próximo 2 de outubro a Xunta de Galicia presenta en Santiago de Compostela o programa O emprego do futuro, que pon en marcha co obxectivo de indentificar as necesidades dos distintos sectores económicos no eido da capacitación e adaptación laboral.

A xornada desenvolverase a partir das 9.45 horas, no Salón de Convencións do Centro de Innovación Cultural (CINC) da Cidade da Cultura.

A iniciativa, que permitirá á Consellería de Economía, Emprego e Industria elaborar un catálogo de accións formativas, partirá da análise dos novos perfís profesionais que demanda a Industria 4.0.

XUNTA TRABALLO

PRIMEIRAS OPORTUNIDADES LABORAIS

Principia: a primeira oportunidade para o talento e a innovación

En prazo de inscrición 19/07/2018

O salón de convencións do edificio CINC acollerá, o próximo venres día 20 de xullo, a partir das 10:30 horas, na cidade da Cultura, o encontro entre técnicos e investigadores, os únicos protagonistas do programa Principia, xunto cos responsables das entidades contratantes.

No encontro Principia, que organiza a Axencia Galega de Innovación, haberá relatorios de responsables de empresas como AMSlab, Biomasa Forestal ou Gabadi, permitirá compartir experiencias en torno ao talento e as novas oportunidades profesionais en Galicia.

XUNTA GAIN

18 de Xullo: II Encontro Autónom@s

En prazo de inscrición 11/07/2018

A Consellería de Economia, Emprego e Industria organiza o II Encuentro Autónom@s Galicia 2018, que terá lugar ás 09:30 horas do próximo 18 de xullo no edificio CINC da Cidade da Cultura, en Santiago de Compostela. O obxetivo deste novo encontro é seguir avanzando no recoñecemento do emprego autónomo, presentando novas experiencias e perspectivas para profundizar no seu camiño cara a excelencia desta fórmula profesional de gran relevancia para a nosa economía.

XUNTA emprego autónomos

Programa a prol da contratación das mulleres desempregadas

En prazo de inscrición 11/07/2018

Inclúense dous tipos de axuda compatibles:

-Bono de contratación, por medio do cal se proporcionará unha subvención para os contratos indefinidos iniciais realizados con mulleres desempregadas.

-Bono de formación (opcional) dirixido ás mulleres contratadas por medio desta orde, para levar a cabo accións formativas que melloren os seus coñecementos e habilidades relacionados co posto de traballo.

Poderán ser beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que adopten, incluídas as persoas autónomas, as sociedades civís e as comunidades de bens, aínda que carezan de personalidade xurídica, que contraten mulleres desempregadas por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e condicións que se establecen nesta orde.

XUNTA emprego formación

REMUDA XENERACIONAL

Programa de remuda xeracional nos negocios das persoas traballadoras Autónomas

En prazo de inscrición 11/07/2018

A finalidade deste programa é a concesión de axudas económicas para a realización dun relevo xeracional ordenado nos negocios das persoas traballadoras autónomas. Serán persoas beneficiarias destas axudas a persoa traballadora autónoma que vai transmitir o seu negocio por cesamento, e que no momento da transmisión estea nalgunha das seguintes situacións no momento da transmisión do negocio:

-Que teñan 63 anos ou máis.

-Pola declaración de incapacidade total ou absoluta (incluíndo grande invalidez) recoñecida polos órganos competentes da Seguridade Social.

-As persoas herdeiras no caso de falecemento da persoa traballadora autónoma titular do negocio.

Tamén será beneficiaria da axuda a persoa que adquira o negocio e que estea dada de alta no Réxime Especial de Traballadores Autónomos (RETA) tras a súa adquisición.

XUNTA emprego autónomos

EMPRENDEMENTO FEMININO

Programa Emega para o fomento do emprendemento feminino en Galicia

En prazo de inscrición 11/07/2018

O programa Emega comprende un conxunto de axudas dirixidas a apoiar a posta en marcha, a mellora e a reactivación de iniciativas empresariais constituídas por mulleres, xunto con medidas complementarias para favorecer a conciliación da vida persoal, familiar e laboral, así como para ter acceso a servizos específicos de acompañamento, asesoramento e titorización co obxecto de facilitar a implantación e a consolidación dos proxectos empresariais promovidos por mulleres.

Poderán ser beneficiarias das axudas do programa Emega as empresas privadas formadas por mulleres que inicien a súa actividade económica ou formalicen os seus plans Innova ou Activa no período comprendido entre o 1 de setembro de 2017 e a data da fin do prazo de presentación de solicitudes ao abeiro desta convocatoria, sempre que cumpran todas as condicións e requisitos comúns e os específicos da correspondente liña ou tipo de axuda previstos nesta resolución.

emprego XUNTA emprendemento MULLERES

Compartir: